Debagoieneko selekzioak eta Realeko bigarren taldeak abenduaren 30ean Ibarran jokatu beharreko partidua bertan behera utzi behar izan dute. Berez, hiruko torneoa jokatu behar zuten, baina Atletico Linceren parte-hartzea kolokan zegoelako moldaketak egin zituzten, eta azkenean Debagoienak eta Realak jokatu behar zuten norgehiagoka.
Bada, hori ere ez, Realeko bigarren taldeko zenbait jokalariren positiboak tarteko talde txuri-urdineko osasun zerbitzuek erabaki dute onena dela bidaiarik ez egitea.
Kategoria txikietako partiduak, bihar, normaltasunez
Bihar, abenduak 29, protagonismoa kategoria txikietako nesken taldeek izango dute, alebin, infantil eta kadete mailako partiduekin aurrera egingo dute. Eta, Debagoieneko taldeekin batera batuko dira hor Lagun onak, Anaitasuna, Tolosa edota GoierriGorri moduko taldeak.
