Debagoienean bertan ere izango dira ekintzak datozen egunetan: hilaren 31n, elkarretaratzeak egingo dituzte Oñati, Bergara, Antzuola, Aretxabaleta eta Eskoriatzan; Arrasaten, berriz, manifestazioa antolatu dute. Arratsaldeko zazpietan izango dira guztiak.
Horrez gain, beste hainbat ekintza antolatu dituzte herriz herri: abenduak 31an, esaterako, Kurtzeberrira igotzeko deia egin dute Aretxabaletan; goizeko 11:00etan ekitaldia egingo dute bertan. Eta bezperan, Bergaran, bertso saioa antolatu dute seminarixoan, arratsaldeko 19:00etan. Amets Arzallus, Sustrai Colina, Uxue Alberdi eta Nerea Ibartzabal bertsolariek parte hartuko dute.
