Aukera asko izan arren Mondrak ezin izan du aurkariaren atea zulatu

Arantzazu Ezkibel Galdos 2021ko abe. 4a, 20:01
Mondrako jokalaria lehian. Argazkia: Imanol Soriano.

0-0 berdindu du Mondrak Allerruren aurka. Neurketa ona jokatu dute Cristian Matiasen mutilek, aukera askokoa, baina ez dira eraginkorrak izan gola egiterakoan.

Arrasateko mutilek aukera askoko partidua izan dute; baina, partidua irabazi nahi bada aukerak sartu egin behar dira. Gaurkoan, etxeko taldeak ez du zorterik izan aurrealdean eta ezin izan dute baloia sareetan sartu. Hala, husnako berdinketarekin konformatu behar izan dute.

Lehenengo zatian taldea ondo kokatuta irten da zelaira, eta bai atzealdean eta baita aurrealdean ere ondo ibili dira Matiasen mutilak: "Lehenengo zatian defentsa lan hobea egin dugu bigarrenean baino". 

Hiru penalti eskatu dute

Lehenengo zatian penaltia eskatu dute etxeko jokalariek. "Atzetik falta egin digute, eta penalti argia izan da. Epaileak falta adierazi du, baina ez zaio iruditu penaltia izatekoa bestekoa izan denik. Falta baldin bada penalti da", azaldu du entrenatzaileak. 

Bigarren zatian antzerako beste jokaldi baten ere penaltia eskatu dute etxekoek, eta partidua amaitzeko minutu gutxi falta zirenean ustezko eskua eskatu dute: "Azken hori ez da hain garbia izan; lehenengo zatiko penalti argia ez badu adierazi, hain argia izan ez den hori nola adieraziko du ba!".

Azken minutuak urduritasun handikoak izan dira. Mondrak hainbat jokalditan izan du gola egiteko aukera, batez ere Iker Sanchezen eskutik: "Jokalari beteranoa da eta normalean ez ditu horrelakoak huts egiten".

Gizonezkoen erregional ohorezko maila

Beste emaitzak:

Aloña Mendi 5- 0 Mutriku

Eibar 1- 0 Bergara

Zarautz 2- 2 UDA

Emakumezkoen ohorezko erregionala

Beste emaitzak:

Leintz Arizmendi 2- 1 Tolosa

Bergara –atsedena–.

Gizonezkoen gorengo maila

Antzuola 1- 2 Urki

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak