Etxean indartsu daude Eneko Mataren mutilak, partidu bakarra galdu dute; izan ere, Easoren kontra lehenengo jardunaldian izandako porrota (79-86) istripua baino ez zen izan. Kontrarioa, Benta de Baños, etxean irabaztetik dator, baina ez da ligako talde indartsuena, ezta gutxiago ere. Iturripen neurtuko dituzte indarrak, domekan (18:30).
Emakumezkoek, atsedena
Emakumezkoen bigarren mailan, aurreko zortzi jardunaldiak irabazi eta gero, Mondragon Unibertsitateko neskek ligako lehenengo partidua galdu zuten joan den domekan (69-79). Halako porrotak ahazteko lehenbailehen jokatzea izaten da onena, baina astebetez atseden hartu beharko dute, oraingo asteburuan zubia dute eta.
