Deba ibaia hazita doa Debagoienean baina ez du arazorik sortu

Mirari Altube Arrese 2021ko aza. 29a, 11:46

Deba ibaia, Bergaran, Lasai Toki elkarte inguruan.

Uholde Arriskurako Plan Bereziak larrialdi fasean jarraitzen du eta prezipitazio iraunkorrengatik ezarritako alerta laranja bukatutzat eman da. Atzo iluntzean Elorregiko estazioa maila horira iritsi zen, eta gaur goizeko lehen orduan Deba ibaia bere bidetik irtenda zegoen Bergaran, San Lorentzo inguruan.

Euria erruz egin du asteburuan, eta ondorioz, Deba ibaia eta beste hainbat erreka asko hazi dira. Atzo, domeka, esaterako, Euskalmetek emandako datuen arabera Arrasaten 50,4 litro metro koadroko jaso zituzten; Elorregin (Bergara) 44, 5 litro; Oñatin 38,7 litro; eta Urkulun (Aretxabaleta) 40,1 litro.

Hala, Euskal Meteorologia Agentziak San Prudentzion duen estazioa, esaterako, maila horira iritsi zen atzo, domeka, 20:15 inguruan.

Asteleheneko egoera

Gauerditik hona jasotako datuak, ostera, honako hauek dira: Arrasaten 20,3 litro metro koadroko; Elorregin 17,4 litro; Oñatin 16,9 litro; eta Urkulun 25,9 litro.