Lehiaketak hainbat betebehar ezarri dizkie parte hartu duten abesbatzei: "elizako pieza bat, pieza asturiarra eta bi pieza libre. Horiek izan dira aintzat hartu behar izan ditugun baldintzak. Modu horretan, ibilbide historiko moduko bat egin dugu gure errepertorioarekin. Hau da, barrokoa, erromantikoa, folkloriko-asturiarra eta inpresionista izan dira aukeratu ditugun lau estiloak", azaldu du zuzendariak.
Gaineratu du egindako lanarekin eta abesbatzak egin duen interpretazioarekin "oso pozik" geratu dela. "Gure aurretik sailkatu diren biek guk baino hobeto egingo zuten eta merezita lortuko zituzten postu horiek. Nik dakidana da guk oso lan ona egin dugula".
Leioako Kantika abesbatzak irabazi du lehiaketa eta Leongo Angel Barja abesbatza sailkatu da bigarren. Era berean, publikoaren saria eta obra asturiar onenaren saria ere Angel barja abesbatzak irabazi ditu.