Emakumezkoen ohorezko erregional mailan, sailkapenean ondoan dauden Bergarak (13 puntu) eta Leintz Arizmendik (16) elkarren kontra neurtuko dituzte indarrak bihar (15:30, Ipintza). Gizonezkoetan, Bergarak eta Aretxabaletak jokatuko dute etxean. Euskalduna hartuko dute mahoneroek (zapatua, 15:30), eta Eibarren kontra jokatuko du sailkapenean lider dauden aretxabaletarrek (Ibarra, domeka, 16:30).
Ohorezko erregional mailako derbia izango da zapatuan Ipintzan, Bergarak eta leintz Arizmendik indarrak neurtuko dituzte-eta. Hiru puntuko aldea baino ez dago bi taldeen artean, ondoan daude sailkapenean, erdi inguruan. Ordu berean, eta ondoko pfutbol zelaian (Agorrosinen, 15:30). Bergararako mutilek sailkapenean azken postuan dagoen Euskalduna hartuko dute.
Nabarmentzekoa da Aretxabaleta multzoko lider dela, jokatutako hamaika partiduetatik 7 irabazi eta 3 berdindu eta gero (24 puntu). Bada, kontrario gogorra izango dute domekan (16:30) aurrean, laugarren dagoen Eibar (21 puntu).
Eta, etxetik kanpora jokatuko dute Aloña Mendik eta Mondrak. Arrasatekoek Urolaren zelaian jokatuko dute, Argixaon (zapatua, 16:00), eta Touringen zelaira egingo dute bidaia oñatiarrek zapatuan (16:30).
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak