Bihar gauetik etzi goizaldera ezin izango da Olandixoko tunela gurutzatuz Mugarrietako biribilgunetik Markuleteko biribilgunerako bidea egin. Gipuzkoako Foru Aldundiak prentsa ohar bidez adierazi duenez, ohiko mantentze lanak egingo dituzte azaroaren 11ko 23:00tik azaroaren 12ko 05:00ra; hau da, ostegun gauetik ostiral goizaldera.
Aldundiaren hitzetan, tunel barruan daude ohiko mantentze lana behar duten instalazio batzuk, eta "lanak egin ahal izateko beharrezkoa du zirkulazioa erabat moztea". Besteak beste, tunelaren aireztatze instalazioa aztertuko dute.
Ordezko bidea
Goizeko 05:00an "obrak adierazteko behin-behineko seinaleak kendu" eta zirkulaziorako errepide osoa ireki bitartean, ordezko bide gisa "GI-2620 errepidearen zeharbide zaharra erabiltzea gomendatzen dugu".