Gasteiztik Eibarrerako noranzkoan, Arrazua-Ubarrundia parean gertatu da ezbeharra: auto batek su hartu du. Itxita egon da denbora batez AP1 autobidea Arabako hiriburutik Debagoienerako norabidean; une honetan, errei bat irekita dago, baina auto pilaketak daude.
GOIENAk bildutako informazioaren arabera, 14:00ak pasatxoan gertatu da ezbeharra: auto batek su hartu du AP1 autobidean, Arrazua-Ubarrundia parean. Trafiko Zuzendaritzak jakitera eman duenez, errepidea itxita egon da denbora batez Gasteiztik Eibarrerako noranzkoan. Tarte horretan Gatzaga eta Arlabanetik bideratu dute trafikoa.
Une honetan, baina, errei bat ireki dute, eta auto pilaketak dauden arren, erabilgarri dago AP1 autobidea.
*Informazio berria jaso ahala eguneratuko da albistea
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
