Auto baten eta txirrindulari baten arteko istripua izan da Bergara eta Arrasate lotzen dituen GI-627 errepidean. Hain zuzen ere, 42. eta 43. kilometroen artean dagoen biribilgune parean. Tximela enpresaren ondoan, eta Antzuolara zein Zumarragara joateko bidegurutzean.
Herrizaingo Sailetik jakinarazi dute ezbeharra 12:45ean gertatu dela, eta anbulantzian eraman dutela txirrindularia Debagoieneko ospitalera. Ez dute argitu istripuaren larritasuna zein den.
Zauritutakoa artatu bitartean itxita egon da zirkulazioa erreil batean. Ordu honetan zabalik da, atzera ere.