252 greba egunen ondoren, Gipuzkoako erresidentzietako langileek borrokan jarraitzen dute, eta bihar, egubakoitza, berriro aterako dira lan zentroen atarietara lan baldintza eta zaintza eredu duina eskatzeko. Izan ere, "Gipuzkoako Aldundiak egungo ereduaren defentsa sutsua egiten segitzen du, azken asteotan erresidentzietako errealitate gordina berriro azaleratu bada ere: Markel Olano Ahaldun Nagusiak bi egoiliarreko langile bat dagoela esan arren, langile bat hamahirurentzako daudela ikusi da, egoiliarrak 14 orduz izaten dira ohean eta jan gabe, erizaintza zerbitzurik ez dago bermatua...", adierazi dute ELA sindikatutik.
Horren aurrean, eta Aldundiak dagokion ardura hartu ezean, ELAko erresidentzietako langileak mobilizatzen jarraituko dutela adierazi dute prentsa ohar bidez: kontzentrazioak egingo dira erresidentzietan urriaren 22an, eta greba egunak izango dira urriaren 28a eta azaroaren 12.
