Elkartasunez inguratu dute Urkulu, beste behin

Mundukide Fundazioak antolatuta, kooperatiben arteko lasterketa solidarioa egin dute gaur eta 250 bat lagunek hartu dute parte oinez, korrika zein martxa nordiko erara. "Oso erantzun ona da. Egia da normalean jende asko ikusten dugula inguru hauetan korrika eta oinez, baina gero kosta egiten zaigu jende hori guztia gureganatzea. Edozelan ere, pozik gaude", adierazi du fundazioko kide Urri Urizarrek.

Mundukidek egiten duen lanari ikusgarritasuna emateko balio du, besteak beste, lasterketa horrek eta baita elkartasuna adierazteko ere, izan ere, batutako diru guztia bideratuko dute fundazioak dituen programetara. "Jendearen babesa oso garrantzitsua da guretzat, egiten dugun lanari zentzua ematen diolako. Jende gutxiren babesarekin gauza handiak egin daitezke. Mundukidek egiten duen lanaren onura 100.000 pertsonak jasotzen dute, beraz, proiektu garrantzitsuak dira", nabarmendu du Urizarrek.

Duela hogei urtetik, Afrikan eta Hego Amerikan zailtasunekin bizi diren herritarrei laguntzeko lan egiten du Mundukide Fundazioak, "aukerak emanez haien bizi baldintzak hobetzeko".

VI. lasterketa solidarioko emaitzak:

Emakumezkoak:

1-Mondragon Unibertsitatea.

2-Fagor Ederlan.

3-Ikerlan.

4-Oiarso.

5-Fagor Electronica.

Gizonezkoak:

1-Fagor Electronica.

2-Fagor Ederlan.

3-Fagor Ederlan.

4-Fagor Electronica.

5-Mundukide.

Kategoria mistoa:

1-Arizmendi-Almen.

2-Basauri ikastetxea.

3-Ikerlan.

4-Krean.

5-Fagor Electronica.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.