Debagoieneko musikariak izango ditu protagonistak Akordeak tarteak, bertan abeslarien bizipenak eta kamera aurreko abestiak ikusteko aukera egongo da, Aitziber Aranburuzabalaren eskutik. Luzapena atalean kirolariekin izango du hitzordua Mireia Bikuña kazetariak, eta, Izenen izana tartean Txomin Madinak eskualdeko toponimia eta abizenak izango ditu hizpide, hainbat kolaboratzaileren laguntzarekin.
Atal berriekin batera itzuliko dira Debagoiendarrak mundutik, Eneko Azurmendirekin; 0 kilometro Jone Olabarriarekin, edota sare sozialen tartea, Uxue Igartzarekin.
Hemen Debagoiena saioa Goiena telebistan eskainiko da astelehenetik ostiralera, 18:00etan, 20:00etan eta 22:00etan. Horrez gain, Goiena.eus-en ere ikusi ahalko dira eguneroko elkarrizketa eta erreportajeak.
