Aretxabaleta da hiru jardunaldi hauetan aurpegi onena erakutsi duen Debagoieneko taldea. Calzonen mutilek hiru partidutatik bi irabazi dituzte, eta hain zuzen, joan den astekoa izan zen lehenengo porrota, ordiziarren kontrakoa. Bada, domekan Añorgaren kontra jokatuko dute (16:30). Mondrak ere domekan jokatuko du (16:30); zuri-moreek ligako hiru partiduak berdindu eta gero garaipena nahi du behingoagatik. Bada, zuri-moreek Oiartzun hartuko dute Mojategin. Zapatuan, berriz, Bergarak jokatuko du (16:30). Mahoneroek etxetik kanpora bi partidu galdu dituzte jarraian, biak derbiak. Hala, Agorrosinen egoera horri buelta eman nahi diote. Eta azkenik, joan den astean Azkoagainen konfiantza emango dien partidua irabazita, Aloña Mendikoek Andoainen jokatuko dute zapatuan (16:00).
Emakumezkoek, kanpoan
Leintz Arizmendik Touringen zelaian jokatuko du bihar, zapatua (12:00); Bergarak, berriz, Lesakan (16:00).
