Aurreko urteko datu berarekin alderatuta, indarkeria-matxistari lotutako salaketak areagotu egin dira Euskal Autonomia Erkidegoan, 2021eko lehen seihilekoan; zehazki, %3,12 egin dute gora.
Datuak ematearekin batera, Jaurlaritzak aurreratu du urtea amaitu aurretik EBA sistema jarriko dela abian; hau da, Ertzaintzak eta Udaltzaingoak informazio eguneratua jasotzeko eta "neurririk egokienak" hartzen laguntzeko izango duen duen sistema digitala. "Jauzi kualitatiboa ekarriko du berdintasunaren aldeko eta emakumeen aurka erabilitako indarkeriaren kontrako borroka globalean", azaldu dute. Sistema honen berrikuntza nagusia da erasoen inguruko informazioa indarkeria matxistaren biktimen arretan inplikatuta dauden erakunde publiko guztientzat egongo dela eskuragarri: judikatura, fiskaltza, Osakidetza, gizarte-taldeak, etab.
