Ondo prestatu du proba Edurne Ormaetxeak. Astean zehar bitan joan da aramaioarra ibilbidea ikustera eta lasterketa ondoren, oso gustura agertu da egindako lanarekin. Sentsazio onak izan ditu eta aurrez egin nahi zuen lana burutzea lortu duela adierazi du. Ormaetxea lehen urteko kadetea da aurten hasi da lasterketetan. Gaurkoa, Arabako txapelketa izateaz gain, denboraldiko azkena izan du eta emaitza honekin, egindako denboraldi ona borobildu egin du. Lehiatu dituen Espainiako kopako lasterketa guztiak amaitzea lortu du, Arabako itzulian, 15. postua eta gaur, Arabako azpitxapelduna. Hurrengo urtera begira emaitza hauek motibatzeko balioko diote, eta esperientzia gehiagorekin egin ahal izango dio aurre denboraldiari.
