Azken ordura arte zain egon behar izan dute, baina jaso dute saria, Ander Murua pilotari arrasatearra eta Manex Balerdi pilotari antzuolarra urriaren 17tik 23ra arte Segovian eta Valladoliden jokatuko duten Munduko Txapelketan izango dira.
Espainiako hautatzaileak zuen azken hitza, irailaren 14rako eman behar zuen aukeraketaren berri, eta, atzerapen apur batekin, baina poztasun handiz, jaso dute berri ona. Gainera, posible zen hautatzaileak bietako bat aukeratzea eta bestea ez. Horrenbestez, biak egongo dira txapelketan.
Debagoiendarrek jakin bazekiten abuztu amaieran Europako Txapelketa irabazi izana –elkarrekin jokatu zuten– lagungarri izango zela, baina ez zela erabakigarria. Eta, hain zuzen ere, aste hauetan egindako azken entrenamendu saioetan ikusitakoarekin hartu du zorioneko erabakia hautatzaileak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
