TicketBAI nahitaezkoa izango da urtarrilean, zerga kudeaketako profesionalentzat

Derrigortasunerako jauzia era mailakatuan egitea erabaki zuen Diputatuen Kontseiluak eta hori zergadunen jarduera enpresarial, profesional edo artistikoaren arabera egingo da. Gaur argitaratu dituzte datak; lehenengoak zerga kudeaketako profesionalak izango dira.

TicketBAI proiektuarekin lotutako arreta zerbitzuak indartu ditu Aldundiak: arreta telefono berezia (943 113 000) eta kontsultak egiteko buzoia (ticketbaikontsultak@gipuzkoa.eus) daude erabiltzaileen eskura, eta urri erdialdean, aurrezko aurreko arreta zerbitzua egongo da Gipuzkoako foru Ogasunaren bulego guztietan.

Momentu honetan, proiektua borondatezko epean dago, baina 2022an derrigorrezkoa izango da zerga-sistema berrira igarotzea. Modu mailakatuan egingo dute jauzi zergadunek, eta honako hau da egutegia: 

  • 2022ko urtarrilaren 1a. Zerga kudeaketako profesionalak.
  • 2022ko martxoaren 1a. Jarduera profesionalak.
  • 2022ko maiatzaren 1a. Txikizkako merkataritza, ostalaritza, ostatuak eta gainerako profesionalak.
  • 2022ko urriaren 1a. Eraikuntza eta higiezinen promozioa, garraioa, eta aisialdi zerbitzuak, kulturalak eta pertsonalekin erlazionatutako zerbitzuak.
  • 2022ko abenduaren 1a. Fabrikazioa, handizkako merkataritza, telekomunikazioa, finantzak, artistak eta gainerako behartuak.
Erlazionatuak

Zela eragingo die enpresei eta autonomoei TicketBAI sistema ezartzeak?

Debagoiena

2022ko urtarrilean jarriko da indarrean TicketBAI sistema, enpresak eta autonomoak ogasunarekin harremanak online izatea ahalbideratuko duena. Edoz...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.