Danobatgroup-ek 600.000 euro bideratuko ditu gizarteratze eta ikerketa proiektuetara

Bizipoza erakundearen gizarteratzeko eta elkartasuna sustatzeko bi proiektu, Gautena Gipuzkoako Autismo Elkartearen beharrak eta Walk on Project erakundearen entsegu kliniko bat finantzatzatuko ditu taldeak.

2018an Danobatgroup-ek abiatutako lankidetza proiektua da Elkarrekin Eragin. Aurten, 600.000 euro bideratuko dituzte horra, eta hiru elkarteren proiektuak finantzatzeko erabiliko dute dirua. Andres Mazkiaran lehendakariak azaldu duenez, "garapen sozioekonomikoari ekarpena" egin nahi diote: "Diferentzia markatzen duten proiektuekin elkarlanean jardungo dugu, erakundeko pertsonen gogoberotasuna eta parte hartzea erantsita".

Aurreratu bezala, gizarteratzea sustatzea, gaitz neurodegeneratiboetarako terapia berriak ikertzea eta autismoaren espektroko nahasmenduak dituzten pertsonentzako eta senideentzako azpiegitura berriak sortzea dira aurtengo zutabeak. Hala, Bizipoza erakundearen bi proiektu finantzatuko ditu, Gautena Gipuzkoako Autismo Elkartearen beharretara egokituko da, eta gaixotasun neurodegeneratiboen aurkako terapia berrien garapenean aurrera egiteko, WOP erakundearen entsegu kliniko bat finantzatuko du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.