Landako emakumeak eta bizikidetza; horixe da sormen lehiaketaren ardatza. Urriaren 15era bitartean, parte hartzera animatzen direnek euskarri grafiko bat aurkeztu beharko dute hausnarketa-testu batekin batera: argazkia, marrazkia, collagea… Aurrez azaldu bezala, landa eremuaren, bertako emakumeen eta bizikidetzaren inguruan hausnartzea da egitasmoaren xedea.
Hiru kategoria egongo dira (25 urtetik beherakoa, 25-55 urte artekoa. 55etik gorakoa) eta kategoria bakoitzean hiru sari (1. saria 600 euro, 2. saria 450 euro eta 3. saria 300 euro). Horiez gain, publikoaren saria ere banatuko da (bi lagunentzako gau bat eta gosaria, Gipuzkoako landetxe batean) eta bozkatzen dutenen artean ere bertako produktuen saski bat zozketatuko da.
Izen-ematea online egin behar da, eta doakoa da.
