Leintz eskola kirolak azaldu du aurtengo ikasturte hasierak "itxaropentsuagoa" ematen duela, eta "pozik egoteko moduan" daudela: "Jaurlaritzak eskola kiroleko entrenamendu eta lehiaketak taldekatze mugarik gabe baimendu ditu, nahiz eta oraindik COVID 19-aren protokoloak eta segurtasun neurriak bete behar ditugun".
Neurriak neurri, gaztetxoei eta haien gurasoei eskola kirolean parte hartzeko deia luzatu nahi die LEKek: "Lagun berriak egin eta jarduera fisikoaz gozatzeko aukera paregabea izango dute". Izena online eman daiteke.