Ziklismo Eskolako emakumeen taldea berriz itzuliko da lehiara asteburu honetan. Kantabria aldera joango dira, Nojara, Espainiako Kopako azken lasterketa puntuagarrian parte hartzera. Bertan izango dira Edurne Ormaetxea Arriaran aramaioarra eta Olatz Gabilondo Zenitagoia bergararra; lehenengoa kadete mailan eta bigarrena, elite/sub23 mailan.
Eta hurrengo astean, Arabako itzulian arituko dira, bi etapa izango dituen lasterketan: bata Gopegin eta bestea Murgian. Bukatzeko, irailaren 25ean, Arabako erlojuaren kontrako txapelketan parte hartuko du Ormaetxeak; izan ere bera da taldeko arabar bakarra. "Denboraldi guztian zehar erakutsi duten mailarekin bukatzea da helburua eta 2022. denboraldirako ilusioari eustea", dio Lokatzak.
