Kantabriako tomaterik onenaren saria, ostera, Abanillaseko tomateak jaso zuen, eta nazioarteko barietate onenarena, Errusiako tomate horiak.
Epaimahaia osatu zuten Pepa Muñoz sukaldariak (Michelin izarra duena), Paloma Menendez kazetariak, Pepe Barrena gastronomia kritikariak eta David Remartinez (El Comidista) eta Pedro Vallin (La Vanguardia) kazetariek.
Tomatearen Astea irailaren 6tik 12ra
Aretxabaletan bertan ere izango da Aretxabaletako tomatea eta beste hainbat barietate ezagutzeko eta probatzeko aukera, datorren irailaren 6tik 12ra egingo den Tomatearen Astean hain zuzen ere. Debagoieneko Mankomunitateak eta Udalak antolatu dute beste behin –iaz ezin izan zen egin– eta eskainiko dituzte hitzaldiak eta erakusketak. Irailaren 12n, domekan, egingo den azokan ortu lehiaketaren eta tomate erakusketaren sariak banatuko dituzte. Gainera, Aretxabaletako tomatearekin egindako pintxoak dastatzeko aukera izango da orduan.
