Diputatuen Kontseiluak Foru dekretu-Arau berria onartu du eta TicketBAIren borondatezko epea luzatu du, nahitaezkoa bihurtu baino hilabete lehenagora arte. Modu horretan, borondatezko epean sartzea erabakitzen duten zergadunek kenkari indartua aplikatu ahal izango dute; Pertsona Fisikoen Errentaren gaineko Zergan nahiz Sozietateen gaineko Zergan egindako gastuaren %60 hobaria jasoko dute, 5.000 euroko mugarekin.
Jokin Perona Ogasun eta Finantza diputatuaren arabera, borondatezko epea luzatuta, zergadunen arteko "tratamendu-diferentzia orekatzea" lortuko da. Bestetik, gogorarazi du TicketBai aukera egokia dela "iruzurraren aurkako borrokan": Iruzur egiten duenaren lehia desleiala ezabatuko du, eta aldi berean, zerga-administrazioak zergadunari eskaintzen dion zerbitzua hobetuko dugu, zerga-betebeharrak azkar eta eraginkortasunez betetzea erraztuz".
