"Indartsua eta bizarduna" da Asier Casas, eta desagertu zen egunean txandal urdin iluna eta kamiseta beltza zeraman soinean. Lau hilabeteko staffy arrazako txakur beltz batekin ikusi zuten azkenengoz; belarrian orban beltz bat dauka txakurrak. Senitartekoek nabarmendu dute "arraroa" dela inork ikusi ez izana.
Izatez arrasatearra da eta Eskoriatzan bizi da duela 7 urtetatik. Familiak bere bilaketa errazteko laguntza oro eskertu du. Norbaitek ikusiko balu, deitu 615 78 44 16 edo 661 63 77 38 telefonora.
