Atzo, uztailak 7, hilketa matxista bat izan zen Murchanten (Nafarroa); gizon batek labankada bat eman zion 43 urteko emakume bati eta hil egin zuen. Gizonak autoarekin jo zuen emakumearena –koinata hain zuzen ere–, hau desbideratu eta bidetik ateraraziz. Gizona autotik atera eta laban batekin joan zitzaion emakumeari. Biktima, bere seme-alabekin zihoan autoan –5 eta 9 urte– eta haien aurrean hil zuen. Ustezko hiltzailearen bila ari dira oraindik.
Elkarretaratzeak deituak
Debagoieneko hainbat herrik elkarretaratzeak deitu dituzte hilketa gaitzesteko. Besteak beste:
- Bergarako Martxanterak talde feministak deitua –Udalak bat egin du horrekin– Bergarako San Martin plazan izango da, gaur, 19:00etan.
- Bestalde, Aretxabaletako Udalak deituta, gaur, 19:00etan egingo dute Herriko Plazan.
- Arrasaten aldiz, Arrasateko bilgune feministak eta Pottogorriak deitu dute, eta bihar, egubakoitza, 20:00etan izango da Herriko Plazan.
- Oñatin, egubakoitzerako, uztailak 9, deitu dute elkarretaratzea. Foruen plazan izango da, 19:00etan.