Gipuzkoako turismoa, webgune batean

Uxue Igarza Loiola 2021ko uzt. 7a, 15:57

Aldundiak azaldutakoaren arabera, lau helburu nagusi ditu tursmo HUB berriak: turismoaren sektoreko enpresen topagune izatea, berrikuntza eta gaikuntza bultzatzea, joeren identifikazioa eta turismoaren praktika onak identifikatzea eta, azkenik, euskarri zerbitzuak sortzea.

Lurraldeko turismo eskaintza webgune batean bildu du Aldundiak, eta horrez gain, sektoreko enpresen arteko harremana estutzeko HUB edo espazio berria ere ireki du Donostian: "HUBa Gipuzkoako Turismoaren Bulegoa berrorientatzeko eta eboluzionatzeko prozesu baten emaitza da. Bulegoaren jardueraren ardatz nagusia ez da jada informazio turistikoa, baizik eta sektorearen barruan konexioa eta sarea sortzeko jada hasita dauden beste lan-alderdi batzuei heltzea, horiek indartuz eta zabalduz".

Eskualdeetako turismo eragileekin, turismoaren balio katea osatzen duten azpisektoreekin eta beste hainbat erakunderekin batera sortu da ekimena. "Proiektuaren lehentasuna turismoa industria eta sektore ekonomiko gisa egituratzen laguntzea da, eta horretarako funtsezkoa da lankidetzan aritzea eta ezagutza partekatzea: berritzeko, eskalako ekonomiak garatzeko, negozio-eredu berriak sortzeko, jasangarriagoak izateko, digitalizazio-prozesuari aurre egiteko…", azaldu dute.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak