Aretxabaletako Goroeta auzoko Urrexolagarai baserriak su hartu du goizean. Suhiltzaileek abisua jaso dutenean bertara joan dira, eta sua ez hedatzeko lanetan aritu arren, ezin izan dute baserriagatik ezer egin. Sua piztu den unean ez zegoela inor bertan adierazi dute.
Oñati eta Aretxabaleta arteko mugan dagoen Urrexolagarai baserriak goizean hartu du su, eta suhiltzaileak iritsi ordurako, teilatua jausita zegoela adierazi dute. "Gure lana, batez ere, sua ez zabaltzea izan da, baina ezin izan dugu baserria salbatu". Orain, balorazioa egiten daude zenbait suhiltzaile.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.