Ekainaren 30ean, herenegun, Arrasateko bi etxetan eta Aretxabaletako beste batean sartu ziren lapurrak. Ertzaintzak jakinarazi duenez, lapurreta gehiago ere egon dira ekainean zehar, pisu eta baserrietan, eta Impressioning izeneko teknika erabili dute etxeetan sartzeko.
Egunez egin dituzte lapurretak, goizean bat eta besteak 15:30 eta 16:30ak bitartean. Bitxiak, erlojuak eta dirua lapurtu dituztela esan du Ertzainak, nahiz eta etxeko ateak bi bueltarekin itxita egon. Lapurrek Impressioning teknika erabili dute; hau da, aluminiozko pieza bat sarrailan sartuta, giltzaren kopia gisako bat egitea lortu dute. Ertzaintzaren arabera, teknika horrek ez du kalterik ezta aztarnarik uzten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
