Bart arratsean jokatu zen Udaberri Txapelketako Bigarren Mailako finala Bergaran –etxekoen garaipenarekin–, eta gaur eguerdian, berriz, Lehenengo Mailakoa jokatu da. Soraluzeko klubarekin jokatzen duten Ander Murua arrasatearra eta Manex Balerdi antzuolarra nagusitu dira, 8-22.
Amezketan izan da finala, bertako bikotearen kontra. Debagoiendarrak oso indartsu hasi dira, eta 0-15 aurreratu dira markagailuan, neurketa erabakita utziz ia. Peloteoan nagusi izan dira; Balerdik dominatu egin du, eta Muruak tantoak ondo amaitu.
Azken txanpan, amezketarrek euren pilota atera eta zenbait tanto on egin dituzte, baina beranduegi zen ordurako eurentzat.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.