Ereindajan egitasmoko kideek elikadura ereduan eragin, sentsibilizazio lanak egin eta kontsumo kolektiboan urratsak egiteko jardunaldi ibiltaria burutzea izan dute helburu proiektu honekin.
Horiek horrela, eskualdeko kontsumitzaileen eta ekoizleen arteko harremana indartu, ekoizle ezberdinen ogibidea, produktuak eta etxaldea ezagutu eta ekoizpen ekologikoa, salmenta zuzena, ekoizpen proiektu txikiak eta eskualdeko txokoetara hurbildu eta ikasteko helburuarekin antolatu dituzte bisitak.
Etxaldeetan bisitak
Ekoizleen azalpenak entzuteko aukera izateaz gain, fruitu bilketa eta dastaketarako aukera ere bermatuko da. Honako hauek izango dira ekimenean parte hartuko duten etxaldeak:
- Atxineta baserria (Aramaio). Frutagintza eta abeltzaintza -ahabiak, oreinak..-. Gazteleraz.
- Errastiko ogia (Arrasate). Ogi ekoizlea. Euskaraz.
- Mendibitzu baserria (Aretxabaleta). Abeltzaintza -ardiak, zaldiak, behiak...-. Euskaraz.
- Ziarreta baserria (Bergara). Baratzea. Euskaraz.
- Iturrieta baserria (Aramaio). Frutagintza, sagardoa. Euskaraz.
Izena emateko
Bisitetan parte hartu nahi izan ezkero, esteka honetan eman beharko dute izena interesatuek.
Bestalde, izen ematea ezeztatzeko edota zalantzak argitzeko honako helbide honetara mezu bat idatzi beharko da: jangelak@ereindajan.eus .
