Fernando Gorostidi Oñatiko Zumeltzegi hoteleko eta Donostiako Zumeltzegi jatetxeko zuzendariak ohar bidez jakinarazi du Zumeltzegiko bazkideekin eta Lasa familiarekin batera, Mondragon Hotela erosi dutela. Nahasmenak ekidite aldera, erantzun dute Lasa familiak ez duela loturarik Bergarako jatetxe ezagunarekin.
Gorostidiren hitzetan, egin duten inbertsioaren helburua Debagoienean duten "posizioa indartzea" da, "gaitasun handiagoko hotel batekin". Gainera, sukaldaritzari dagokionez "kalitatezko zerbitzua" eskaini nahi dute, hala, kategoria hiru izarretatik lau izarretara igotzeko. "Lankidetza-hitzarmen bat dugu Euskadiko erreferentziazko sukaldari batekin, eta udazkenetik aurrera zerbitzu hori eskaintzea espero dugu, Debagoiena osoan eta inguruetan erreferente izatera iristeko", gehitu du.