Nere Arregiren esanetan joan den zapatukoa orain arteko lasterketa gogorrena izan da. Bada, duela hiru urte Kroazian 100 kilometrotako lasterketa amaitu zuen atletaren esanak izanda, pentsa zelakoak pasa zituen Santanderren: "20. kilometrotik aurrera konturatu nintzen ezin nuela jan, eta ezta ura edan ere. Eta oraindik 30 kilometro nituen aurretik, pentsa. Gorputzak ez zidan ezer onartzen, eta deshidratatzeko beldur nintzenenez erritmoa asko jaistea erabaki nuen. Lasterketa bestela ere oso bizkor hasi genuen, eta nire erritmoa egokitzea erabaki nuen, eta erabazi ona izan zen".
Bada, esperientziatik tira eginda eta inoiz baino gehiago sufrituta, arrasatearra bigarren iritsi zen helmugara, zilarra irabazita: "Helburua Munduko Txapelketara sailkatzea zen, eta lortu dut. Dena ondo bidean urrian Txinan izango gara, nahiz eta horretarako beste uda bat entrenatzen pasa beharko dugun", adierazi dio barrez GOIENAri.
Lasterketako sailkapena, emakumezkoetan (50 kilometroko lasterketa)
- Maria Mercedes Pila Viracocha 03:33:34
- Nere Arregi Sagasta 03:46:08
- Teresa Velasco Castillo 03:53:16
- Natacha Lopez Garcia 04:09:01
- Begoña Busto Gil 04:49:41
Axpe eta Ruiz de Azua
Bestalde, kluben arteko Ohorezko Mailako finala ere jokatu dute La Nucian (Valentzia). Pertika-jauzian, Maialen Axpek 4,30 metroko marka lortu du eta Malen Ruiz de Azuak, berriz, 4,25 metrokoa.
Gaztetxoen Gipuzkoako txapelketa
Horrez gain, gaztetxoen Gipuzkoako txapelketa jokatu dute asteburuan Anoetan, eta honako emaitzak lortu dituzte Arrasate Atletiko Taldeko atletek: