Errepide hori "doakoa" izan dadila eskatuko dute berriro ere, eta salatu langileak izango direla kaltetuak: "Bidesaria bertakoek ordainduko dute, Goierri, Urola eta Debagoieneko enpresetara lanera joaten direnek eta lantegi horiek behar dituzten materialak eramaten dituzten garraiolariek". Gaineratu dute bidesaria jartzea "atzerapauso handia" dela.
Zehazki, Beasaindik Bergararainoko bidea egingo dute, plataformako kide Edu Reguerok azaldu duenez. Beasaindik abiatuko dira goizean, 11:00etan, eta, geroago, 12:30ean, geldialdia egingo dute Bergarako Labegaraieta kiroldegian. Plataformak protestara batzeko dei egin die debagoiendarrei.
