Landa-turismoak 2021ean dituen aukerak aztertzeko topaketa egingo du COETURrek. EscapadaRural.com plataforma digitalak antolatu du, Eusko Jaurlaritzaren Turismo sailaren eta Basquetour, Turismoaren Euskal Agentziaren lankidetzarekin.
Debagoiena eta Goierri izango dira anfitrioiak, eta Sevilla izango da gonbidatu berezia. Bestetik, topaketetan 500 profesionalek parte hartuko dute telematikoki, eta nahi duenak hitzaldiak online jarraitu ahalko ditu. Horretarako, baina, webgunean erregistratu beharko da aurrez.
Portugalen izan zen azken edizioa, eta oraingoan Gipuzkoari tokatu zaio ekimenari harrera egitea. Jaurlaritzarentzat momentu ona da, izan ere, landa-turismoaren eskaera "oso handia" dela azaldu du Javier Hurtado, Turismo, Merkataritza eta Kontsumo sailburuak: "Garrantzitsua da ekitaldi hau Euskadin ospatzea, Debagoiena eta Goierri natura eta landa-turismoarekin lotzeko aukera ematen duelako. Gainera, ekitaldia aurrerapauso bat da, pandemia egoera zail honetan, normalizazioarako bidea hartzeko".
