18 eta 30 urte bitarteko gazte taldeen proiektuak laguntzeko dirulaguntzak onartu ditu Aldundiak. Gutxienez hiru kideko taldeak izan behar dira eta interes publikoa duten eraldaketa soziala sustatzen duten prozesuak izan behar dira ideien oinarria. Gainera, hiru baldintza gehiago bete beharko dituzte: irabazi asmorik gabekoak izatea, urtebetean garatzea eta alor jakinei lotutakoa izatea (artea, kultura, ingurumena, jasangarritasuna, euskara, kulturartekotasuna, genero-berdintasuna edo elkartasuna).
Laguntza hauen bitartez, "gazteen talentua" sustatu nahi dela azaldu dute: "Faktore erabakigarria da kritikotasuna sustatzeko orduan". Ekainaren 14a izango da asmoak aurkezteko azken eguna, eta Internet bidez egitea hobetsiko da. Aukeratutako proiektuek gehienez 5.000 euroko jasoko dituzte eta gutxienez 1.500.
