Gol olinpiko bati esker Bergara nagusitu zaio UDAri

Mireia Bikuña 2021ko mai. 30a, 11:11
UDA-Bergara partiduko une bat.

Bigarren zatiko ordu erdia bete aurretik, Ibaiek, korner erdiraketa ate barrura sartu du. Ostean, lehia berdintzeko aukerak izan ditu Aretxabaletak, eta bigarrena egiteko aukerak Bergarak. Igoera faseko bosgarren eta seigarren postuak zehazteko kanporaketa, hurrengo asteburuan erabakiko da, Agorrosinen.

Lehenengo zatian Aretxabaletak jokatu du hobeto, baina aukera garbirik sortu barik. Bigarrenean, joko sistema aldatu du Bergarako entrenatzaileak, eta taldeak beste itxura bat eman du. Zati hori oso parekatua izan da, bereziki zelai erdian. Korner erdiraketan Bergarak sartutako golaren ostean, bi taldeek izan dituzte aukerak gola sartzeko. Bereziki garbia izan da UDAk langara bidalitako baloia.

Ibarrako derbiaren ostean, bina partidu geratzen zaizkie aurtengo denboraldia bukatzeko.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak