Liga agurtzeko modua izango da, egin beharrekoak eginda daude, baina, kanporaketaren izenak berak gogorarazten duen moduan, kontsolamendu partiduak geratzen zaizkie. Hala, finalerdietatik kanpora geratu diren taldeen artean daude bailarako biak, eta Zarautz eta Elgoibar dira beste bi taldeak; hain zuzen, lau taldeen artean bosgarren nor sailkatzen den dago jokoan. UDAk Bergara hartuko du zapatuan Ibarran (16:00). Bestalde, mailaz igotzeko lehian dabiltza Añorga, Beti Gazte, Hernani eta Eibar.
Mondrak Kopa agurtuko du
Arrasateko taldeak Kopako hiru partiduetatik bi galdu egin ditu, eta dagoeneko ez du ezer jokoan. Zapatuan jokatuko du azken norgehiagoka, Ordizian (15:30). Finala Amaikak Batek eta Mutrikuk jokatuko dute.