Erronka zen nork bere erritmoan Debagoiena bailarako hamabi tontor igotzea, eta horrekin batera familian mendiaz gozatzeko ekimen bat antolatzea neska-mutilen eta gurasoen artean bizi-ohitura osasuntsuak sustatuz. Tontor horien artean ziren Udalaitz, Murugain, Aitzorrotz, Kurtzetxiki, Besaide, Maktzgain, Anporreta, Asentzio, Teilamendi, Izpizte, Orixol, Kurtzebarri, Orkatzategi eta Arlutz. Hamalau proposatu zituzten antolatzaileek.
144 ikaslek lortu dute helburua betetzea
"Ekimen honen bukaerako balorazioa bikaina da. Izan ere, 212 ikaslek hartu dute parte eta orotora, guztion artean 2020 tontor igo dituzte. Erronka amaitzeko hamabi tontor igo behar izan dituzte ikasleek eta guztira, 144 ikaslek lortu dute helburua betetzea. Horrela, dagoeneko gazte hauek beraien argazkiekin osatutako diploma jaso dute eta ekainaren hasieran aldiz, mendizaletasunarekin loturiko opari bana bereganatuko dute. Horrez gain, 6 eta 11 tontor igo dituzten ikasleen artean, oparien zozketa bat egingo da datozen egunetan. Adi egon datorren asteko post-ari bertan zozketa zein ekimeneko laburpen bideoa argitaratuko ditugu eta!", adierazi dute Leintz Eskola Kiroleko kideek.
Hemen daude ekimenaren nondik-norakoak, zein jasotako argazki guztiak.