Aretxabaletakoek udaberriko txapelketako partiduak izan zituzten atzo; Nagusiek, Zugasti eta Igartua bikoteak Ataunen aurka 22-4 egin zuten. Uribetxeberria eta Barandiaran bikoteek Oiartzunen kontra, aldiz, 22-8 galdu. Herri artekoan, berriz, gaur jokatuko dituzte.
Oñatikoen kasuan, hirutik hirurak galdu zituzten, etxean. Herri arteko txapelketako faboritoen aurka jokatu zituzten nagusiek, gazteek eta kadeteek. Kadete mailan, Manex Guridik eta Oxel Blazquezek, 22-2 galdu zuten Azpeitiren aurka. Gazte mailako Peru Etxegaraik eta Hodei Loirik ere emaitza bera jaso zuten, eta Mikel Ugarte eta Iñigo Erlek, berriz, 22-6 galdu zuten. "Astindu ederra jaso genuen Azpeitiren aurka. Diferentzia handia izan zen, hauek beste maila baten daude, eta hauteagai nagusiak dira txapelketa irabazteko", adierazi du Josu Osa, Oñatiko pilota entrenatzaileak.
