Ikasturteari bukaera "polita" eman gura diote LEKeko kideek eta horregatik ikasturtea aste batzuk luzatzea erabaki dute. Izan ere, beste jarduera batzuk ezin izango dituzte egin aurten: "Pandemia egoera dela eta, normalean ekainean egiten ditugun sustapen jarduerak ezin izango ditugu antolatu, ezin dugulako osotasunean ikasleen segurtasuna bermatu".
Hainbat herritako elkarte batzuk ere ekainaren 18a arte jarraituko dutela kirol saioak eskaintzen adierazi dute: "Elkarte bakoitza arduratuko da honi buruzko informazioa ematen".
Era berean, gogorarazi dute entrenamenduak eta jarduerak seiko taldetan egin beharko direla gehienez, instalakuntza estalietan zein aire zabalean, intzidentzia-tasa metatua edozein izanda ere.