Film laburra, adinekoen bakardadeaz hitz egiteko

Uxue Igarza Loiola 2021ko mai. 14a, 13:19

AMA? izeneko film laburra ekoizten ari dira Mondragon Unibertsitateko ikasleak. Alargun geratu berri den adineko emakume bat da protagonista, eta hain zuzen ere bizi duen bakardadea da istorioaren ardatza. Crowdfunfing-a dute abian gastuei aurre egiteko.

Jone Morillas, Jon Angulo, Inigo Arkauz, Pablo Ocampo, Leire Merino, Ainhoa Rodriguez eta Leire Blanco dira AMA? lanaren atzean dauden gazteak.

Aurreratu dutenez, alargun geratu den 90 urteko emakume bat da filmaren protagonista. Alabak Gabonak kanpoan pasatuko dituela jakin du Aureliak eta hori da filmaren abiapuntua: "Nostalgiak eta bakardadeak Aurelia tristetzen dute, baina ez bere ahuleziak senideen aurrean azaldu beharrak bezainbeste".

Leire Merino zuzendariak azaldu du Euskal Herrian 65 urtetik gorako 106.000 pertsona bizi direla bakardadean, eta oso argi zuela horren inguruan hitz egin nahi zuela: "Nire bizitzan pertsona nagusiek garrantzi handia izan dute beti (…). Esperientzien bidez, jakinduria transmititzen digute".

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak