Maiatzaren 26an, pentsiodunen martxa Oñatira ailegatuko da Zumarragatik, 11:00ak inguruan. Olabarrietatik Udaletxera abiatuko dira parte-hartzaileak, eta ondoren, Arrasaterako bidea hartuko dute. Gipuzkoako Etorbidetik sartuko dira 12:30ean, Plaza Nagusira iristeko eta Arrasaten bertan bazkalduko dute 13:00etan. Hurrengo helmuga Antzuola izango da; bertara 17:30erako iristea aurreikusten dute. Eta eguneko ibilbidea Bergaran bukatuko da, udaletxean, 18:00etan.
Hurrengo egunean, hilaren 27an, Bergaratik abiatuko da martxa 9:00etan, eta Osintxutik Soraluzerako bidea hartuko dute pentsiodunek.
Azken ekintza, Donostian
Bizikleta martxa hilaren 29an, zapatua, amaituko da Donostian. 16:30erako iristea espero dute, eta 17:00etan manifestazioa egingo dute Alderdi Ederretik abiatuta.