Deskontu eskaintza ikastaro, maila eta formatu guztiei begirakoa da; "bai aurrez aurrekoa izan, bai autoikaskuntzakoa, bai online". Era berean, aurrematrikula egitean 100 euro aurreratu behar dute ikasleek (ikastaroa hasterakoan ordaindu beharreko matrikula osotik deskontatuko direnak). Horrez gain, kontuan hartzekoa da urrian euskara ikasten hastea ezinezkoa bazaie, edozein arrazoi dela ere, diru hori berreskuratzeko aukera izango dutela, baldin eta klaseak hasi aurretik abisatzen badute.
- Izena emateko epea ekainaren 25era arte egongo da zabalik, eta modu hauetan egin daiteke:
- Arrasateko Iturriotz kalean dagoen euskaltegira joanda.
- arrasate@aek.eus e-postara idatzita.
- 943 77 03 69 telefonora deituta.
Eskaintza hau bateragarria izango da Arrasateko Udalak lagunduta arrasatearrek dituzten bestelako deskontuekin, dirulaguntzekin eta bekekin. "Bestalde, HABEk ikasturte bukaeran matrikula bueltatuko die maila lortzen eta asistentzia egokia duten A1- B2 arteko ikasleei eta C1 mailako 30 urtetik beherakoei".