Eider Mendoza foru bozeramailearen arabera, azken lau hilabeteetako datuetan iazko martxoan ezarritako alarma egoeraren eraginak islatu dira: "Ogasunetik sarrerak geroratu ziren eta itzulketak indartu, eta horren ondorioz 2020. urteko ziklo honetako zerga-bilketa oso-oso txikia izan zen. Hortik, beraz, igoeraren zergatia".
Horri lotuta, zergen bilakaera "positiboa" izan dela gehitu du Mendozak. PFEZaren kasuan, %18,7 hazi da, lan etekinen atxikipenak, berriz, %17,6 eta BEZa %40,6. Aldundiaren ikuspegitik, zerga bilketa "indartzen jarraitzea" da asmoa, eta horretarako "jarduera ekonomikoaren alde" egiten jarraitu behar dela azpimarratu dute: "Horrela lortuko ditugu krisiaren kontra borrokatzeko eta gure zerbitzu sozialak indartzeko behar ditugun baliabideak".
