Bihar, egubakoitza, Hi gazte! dinamika Debagoienera iritsiko da berriro ere. Arrasateko Arizmendiko ikasleek apirilaren 30ean egin ahal izan zuten bigarren saioa Amaia Antzokian, eta bigarren honetan segurtasun neurriak gehiago zorroztu dituztenez, Arrasateko ikasleak soilik batu ahal izan ziren Amaian. Bada, bihar, egubakoitza, beste horrenbeste egingo dute Bergaran eta Oñatin, alegia, ez dituzte ikastetxe ezberdinetako ikasleak batera eta bestera ibiliko, norberak bere herrian egingo du saioa.
Hori horrela, Ipintzako ikasleek Seminarixoan egingo dute dinamika (09:00-10:30) Iratxe Aguilerak –Kai Nakai– eta Maialen Sorzabalberek lagunduta, eta, 12:30erako Hi gazte!-ko lantaldea Arantzazun izango da, ArantzazuLaben egingo dute eta Oñatiko BHi institutoko ikasleek saioa (12:30-14:00).
Bigarren dinamikan, ikus-entzutekoak lantzen
Hi gazte!-ko bigarren formakuntza saio honetan ikus-entzunezkoetan jartzen dabiltza indarra. Eta, oraingoan ere ikasleak eurak izango dira protagonista. Saioak presentzialak dira, baina aipatu moduan, egungo egoera kontutan izanda oraindik gehiago zorroztuko ditugu segurtasun neurriak. Hala, bigarren saio honetan ikasleek ikasiko dute ikus-entzunezko bat egiterako orduan ze garrantzitsua den aurretik ideia bat izateak, argiztapenak, lokalizazioak, ze formatutan grabatuko dugun jakiteak... Eta sare sozialetan arduraz jokatzeak duen garrantzia ere landuko dute modu dinamikoan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
