Guztira 16.831 lagunek egingo dituzte azterketak, eta horiei beste 513 gehitu behar zaizkie; izan ere, duela bi aste azterketak ordenagailuz egin zituzten HOBE sistema erabilita. Beraz, guztira, 17.344 pertsonak parte hartuko dute euskara mailak egiaztatzeko prozesuan.
Araban Gasteizko Bakh zentroan (Buesa Arenan) egingo dira azterketak, Bizkaian Barakaldoko BEC-en eta Gipuzkoan Irungo FICOBAn, eta lau maila egiaztatuko dira: B1 (erabiltzaile independentea), B2 (erabiltzaile aurreratua), C1 (erabiltzaile gaitua) eta C2 (erabiltzaile aditua). Bestetik, azterketak osasun agintarien aholkuak jarraituz eta ikasleen eta prozesuan parte hartzen duten guztien "osasuna zainduz" egingo direla adierazi dute antolatzaileek.