Enpresa eta profesionalentzat zuzendutako jardunaldia egingo du datorren martitzenean Mondragon Unibertsitateak, eta helburua pertsonak ardatz dituen diseinuaren onurak ezagutaraztea da: "Metodoaren arabera, pertsonak dira enpresetan sortzen diren arazo asko bideratzeko gakoak, baina pertsona horiek aktiboki gutxitan inplikatzen dira –edo inplikatzen dituzte enpresek– arazoen konponbidean".
Jardunaldian bertan, enpresen kasu praktikoak aurkeztuko dira; hots, metodoa erabili duten enpresetakoak (hala nola, Ubikarekoak eta Eroskikoak) egongo dira. Eta bestetik, enpresek aukera izango dute maiatzetik ekainera egingo diren kasu pilotuetan parte hartzeko.
09:30etik 10:45era bitartean egingo da saioa, eta aurrez izena eman beharko da. Bestalde, Mondragon Unibertsitateak jakinarazi du kasu pilotuetako protagonista izan nahi duten enpresek hcdfacilitytool@mondragon.edu helbidera ere idatz dezaketela.