36ko gerratik ihes egin zuten umeak identifikatu eta haien memoria berreskuratzeko azterlana zabaldu Intxorta 1937 Kultur Elkarteak, Gipuzkoako Foru Aldundiaren babesarekin. Haien izen-abizenak, argazkiak eta testigantzak ikertu eta batzea da asmoa, lurraldeko memoria historikoa osatzeko.
Tokiko erakundeekin elkarlanean, eta datozen bi urteetan egin nahi da ikerketa: "Helburua izango da Gipuzkoan jaiotako Gerrako Umeak izen-abizenekin –eta ahal den kasuetan, argazki batekin eta bizitza-historia labur batekin– identifikatzea. Erbeste garaiko argazkiak lortzen saiatuko gara, eta oraindik bizirik direnen artean, elkarrizketa sakonak egingo ditugu".
Intxorta 1937ko ikertzaileak dagoeneko Salamancako memoria historikoko dokumentazio zentroan, Alcala de Henareseko Administrazioaren Artxibo Orokorrean eta Bartzelonako artxibategietan izan dira, besteak beste. Baina horiez gain, beste hainbat artxibategi ere aztertuko dituzte; hala nola, Parisen.