Mikel Aristi bergararrarekin batera beste honako sei txirrindulari izango dira Asturiasko Itzulian: Antonio Angulo, Gotzon Martin, Ibai Azurmendi, Luis Angel Mate, Txomin Juaristi eta Unai Cuadrado dirak. Zazpiko honekin saiatuko dira denboraldiko lehenengo garaipena eskuratzen. Jorge Azanzak argi utzi du asmoa irabaztea dela: "Maila onean ari gara, eta lehenengo garaipena ez dugu oso urrun izan, baina errematea ematea falta izan zaigu. Saiakerak, ordea, ez du etenik izango. Horrelakoa da gure izaera".
Laboral Kutxak bi lasterketa
Bestalde, Laboral Kutxako neskek asteburuan bi aukera izango dituzte orain artekoari jarraipena emateko: larunbatean, Espainiako Kopako lasterketan eta, igandean, Euskalduna Txapelketakoan. Taldean hiru aretxabaletar egon arren, Ion Lazkano prestatzaileak oraindik ez du txirrindulari aukeraketa egin: "Zalantza pare bat dauzkagu, eta astea amaitu arte ez dut erabakiko, txirrindularien bilakaera ikusi arte. Astebururako helburu argia daukagu: orain arteko maila mantentzea, eta aukera izanez gero, Idoia Erasok eskuratu duen 23 urtez azpikoen Espainiako Kopako lidertzari eustea".